Deputeti i Partisë Demokratike Ervin Salianji ka denoncuar futjen së naftës kontrabandë nga Libia në Portin e Durrësit.
Sipas tij qeveria tregon forcë me qyqarët e thjeshtë dhe e pafuqishme përballë oligarkë.
“Në këtë vend kemi dy standarde të përdorimit të ligjit. Sot ju paraqes se si qeveria është e pafuqishme përballë oligarkëve dhe tregon prepotencë ndaj qytetarëve. Qeveria tregon se si arreston disa dhjetëra litra naftë në Korçë. Policia e Shtetit tregohet e fortë me çdo shishe plastike që është kontrabandë në këtë vend dhe jep me emër dhe mbiemër personat që arreston. Por nuk ka të njëjtën zbatim ligji për oligarkët. I kam paraqitur një shkresë Ministrisë së Financave dhe Drejtorisë së Policisë së Shtetit për rastin në fjalë”, tha Salianji.
