Dy vëllezërit Gentian dhe Indrit Beqiraj janë vrasës me pagesë. Kështu deklaroi sot policia që i akuzoi për disa krime.
Ishin vetë dy të rinjtë që treguan atentatet dhe porositë që kishin marrë. Vëllezërit folën me emra pas rrëmbimit mbrëmjen e së dielës për disa minuta në autostradë.
“Kundrejt pagesave nga 50 mijë deri 150 mijë euro morën porosi për të kryer vrasjen e një shtetasi dhe të nipërve të tij, në qytetin e Tiranës, si dhe për vrasjen e shtetasit A. M. (Arben Mërkuri) në qytetin e Durrësit” tha policia.
Dy vëllezërit janë kontaktuar nga Kevin Zeneli për llogari të Kasandër Nogës për të kryer vrasjet. E ndërsa në rastin e parë në Don Bosko grupi i vrasësve u ndryshua dhe ngatërroi shënjestër, në rastin e dytë kryen punë.
Nuk dihet nëse ishte dora e tyre, por Arben Mërkuri u vra pesë muaj më parë në Durrës. Arben Mërkuri (Ismaili), i njohur si “Maneci” i skeduar si vrasës me pagesë është ekzekutuar me breshëri kallashnikovi në maj në shtëpinë e tij në Sukth.
