Një grup i deputetëve të Partisë Demokratike kanë shkuar sërish sot në Gjykatën e Apelit nga ku kanë kërkuar edhe një herë që të jepet sa më shpejt një vendim për statusin e Partisë Demokratike.
Deputeti Dashnor Sula Sula u shpreh se duhet të merret një vendim i formës së prerë sa më shpejt të jetë e mundur, pasi po i bëhet dëm demokracisë.
“Duam që gjykimi të bëhet sa më parë, pavarësisht vendimit. Duam që të marrë fund kjo agoni. Për sa kohë vendimi mbahet peng nga Apeli, është në dëm të demokracisë. Gjykata e Apelit po ndikon në mbarëvajtjen e punës në PD,” u shpreh Sula.
