Bashkia Tiranë shpalli dje tenderin për ndërtimin e godinës së Teatrit Kombëtar. Kjo është faza e parë e cila ka një vlerë të fondit limit prej 1 miliardë e 854 milionë lekë pa TVSH.
Data e fundit për dorëzimin e dokumenteve është më 3 nëntor 2022, ku kompania fituese do të ketë një kontratë për 27 muaj.
“E deklaroj të hapur garën për godinën e Teatrit të ri Kombëtar. Aty ku ishte por tre herë më i madh sa ishte dhe shumë herë më komod sa ishte.
Teatri prodhon edhe ekonomi. Detyra jonë nuk është që të na pëlqejnë të gjithë. Nëse disa nuk ju pëlqejnë kjo nuk është detyra jonë. Ne kemi detyrë t’u shërbejmë të gjithëve” tha sot Erion Veliaj.
