Policia e Durrësit të shtunën që kaloi arrestoi një 28-vjeçar rus, cili ishte shpallur në kërkim ndërkombëtar. Mësohet se Denis Borisov, do të ekstradohet drejt Gjermanisë pasi akuzohet atje për trafik droge.
Gjykata e Tiranës e ka dhënë vendim për nisjen e procedurave për ekstradim, por pritet dosja nga autoritetet gjermane brenda 40 ditëve.
Kujtojmë që 28-vjeçari u kap në ambientet e një hoteli në rrethrrotullimin e Durrësit nga FAST Albania gjatë operacionit në bashkëpunim me DVP Durrës, Interpol Tirana dhe Interpol Wiesbaden,Gjermani.
