Gjykata e Posaçme ka marrë të pandehur Qerim Ismailajn, kryetar i bashkisë së Mallakastrës.
Ai akuzohet se ka fshehur të dhënat e një dënimi në Greqi para viteve 2000 në formularin e deklarimit kur kandidoi për kryetar bashkie.
Ai është i dyshuar për veprën penale “Falsifikimi i vulave, i stampave ose i formularëve”.
Kryebashkiaku i Mallakastrës u denoncua nga Partia Demokratike se nuk kishte deklaruar në formularin e dekriminalizimit dënimin në Greqi.
Vetë Qerim Ismailaj është shprehur se nuk kishte dijeni pasi nuk ka qenë asnjëherë në burg në Greqi dhe gjykatat atje kanë vendosur për të në mungesë.
