Palët në Kuvend kanë rënë dakord për të thirrur kreun e ERE-s, Petrit Ahmeti për të shpjeguar përse pranoi kërkesën e qeverisë për rritjen e energjisë elektrike për fashën mbi 800 kilovat, që më pas u anulua.
“Të gjithë anëtarët e ERE i zgjedh Kuvendi. Është një institucion që i ka të gjitha atributet që të vendosë ndaj thirrja e tij bazuar në rregullore është më e pakta që mund të bënte Kuvendi. Është jetike për ta thirrur sepse qytetarët duan të dinë qartë se ç’bëhet me energjinë elektrike.
Qytetarët kanë parë që energjia është përdorur si një plaçkë elektorale, për të shpërblyer patronazhistë, por asnjëherë si një e mirë e madhe publike. Faktet janë të rënda. Është fakt që shpenzohen 1 miliardë euro për humbje teknike. Nuk u është kursyer burgu qytetarëve qoftë edhe për borxhe të vogla. Dështimet janë të jashtëzakonshme”, tha Vasili.
Edhe PS ishte dakord. Kryetari i grupit të PS-së, Taulant Balla tha se ishte dakord. Në seancat e tjera në vazhdim do të raportojë në Kuvend Petrit Ahmeti.
