Frikë për futbollistin argjentinas të Juventusit, Angel Di Maria. Mediat italiane raportojnë se, disa hajdutë tentuan të hynin në vilën e sulmuesit argjentinas në Torino për ta grabitur. Fatmirësisht aksioni i ndërmarrë prej tyre rezultoi i pasuksesshëm.
Policia ka arrestuar një person, i cili tashmë është dërguar në stacionin përkatës. Në momentin e ngjarjes, Di Maria ndodhej në shtëpinë e tij, së bashku me shokun e skuadrës, Vlahovic.
Për ndërhyrjen në kohë të policisë, vendimtar ka qenë njoftimi i sigurisë private të lojtarit. Situata është mjaft shqetësuese në Itali, sidomos pas muajve të fundit, pasi raste të tilla po hasen shpesh.
