Duket se ka një ulje të tensioneve mes demokratëve. Të paktën për momentin ose për një refromë. Bëhet fjalë për ndarjen territoriale.
Një ditë më parë Sali Berisha i shtriu dorën e bashkëpunimit grupit të Alibeajt për t’u ulur dhe për të dalë me një propozim.
Ftesa e bërë nga Sali Berisha për të dalë me një draft të përbashkët për reformën territoriale është mirëpritur nga bashkëkryetarja e Komisionit të Reformës Territoriale, demokratja Dhurata Cupi.
“Jam e gatshme të ulem, jemi të gatshëm të diskutojmë. Ne duhet të jemi bashkë si opozitë për të pasur një material, për të depozituar një material dhe për të mbrojtur një material sa i takon një reforme shumë të rëndësishme.
Do jetë shumë mirë për çdo qytetar shqiptar që ne të depozitojmë një material opozitar” tha ajo. Grupi i Alibeajt kërkon 94 bashki dhe 3 rajone, ndërsa i Berishës 96 bashki dhe 5 rajone.
