Një 57-vjeçar i shpallur në kërkim është arrestuar ditën e sotme.
Mbi të rëndojnë akuzat për “kanosje” dhe “armëmbajtje pa leje”, pasi në qershor të këtij viti ai ka kërcënuar fqinjin me automatik.
Shërbimet e Forcës së Posaçme Operacionale të DVP Vlorë, në bashkëpunim me shërbimet e Forcës “Shqiponja”, në fshatin Karbunar, u kap a shtetasi në kërkim F. K., 58 vjec, banues në Karbunarë, Selenicë.
“Gjykata e Rrethit Gjyqësor Vlorë, me vendimin e datës 27.07.2022, i ka caktuar këtij shtetasi, masën e sigurisë “Arrest në burg”, për veprat penale “Kanosja” dhe “Armëmbajtja pa leje”, sepse dyshohet se më datë 06.06.2022, në fshatin Karbunarë, Selenicë, ka kanosur shtetasin N. M., për motive të dobëta, me armë zjarri automatike (e cila është sekuestruar nga Policia, ditën e ngjarjes),” ka njoftuar policia.
