Dëshmia e dy vëllezërve Gentian dhe Indrit Beqiraj për porositjet dhe vrasjet me pagesë ka hedhur dritë mbi ekzekutimin e të fortit të Shijakut, Arben Mërkurit, të njohur si “Maneci”. Ai u ekzekutua në 18 Maj të këtij viti?
Por kush e porositi vrasjen?
Vëllezërit Gentjan e Indrit Beqiraj deklaruan se vrasja u porosit nga një person të cilit viktima dyshohej se i kishte ekzekutuar një të afërm.
Vëllezërit kanë treguar se personi i interesuar për vrasjen e Mërkurit ka ardhur nga jashtë vendit dhe shuma e premtuar për këtë ekzekutim ishte 150.000 Euro. Komunikimi bëhej me anë të një aplikacioni.
“Personi interesuar komunikonte me aplikacionin SINJAL me Kevin dhe nga e folura i patëm vendosur pseudonimin “Katunari”. Ai dyshohej se ishte i zonës pasi kishte dhe një person që na informonte në zonë për lëvizjet e Benit.
Me sa kam dijeni ky person është larguar jashtë vendit. Nuk e di se ku është personi që porositi këtë vrasje dhe sipas Kevit, Arbeni dyshohej për vrasje të një të afërmit të këtij personi” thanë dy vëllezërit para hetuesve.
