Aktivisti bjellorus i të drejtave të njeriut Ales Byalyatski, organizata ruse e të drejtave të njeriut Memorial dhe organizata ukrainase e të drejtave të njeriut Qendra për Liritë Civile fituan Çmimin Nobel për Paqen për vitin 2022.
“Laureatët e Çmimit të Paqes përfaqësojnë shoqërinë civile në vendet e tyre. Ata kanë promovuar për shumë vite të drejtën për të kritikuar pushtetin dhe për të mbrojtur të drejtat themelore të qytetarëve”, tha Komiteti Norvegjez i Nobelit.
“Ata kanë bërë një përpjekje të jashtëzakonshme për të dokumentuar krimet e luftës, abuzimet e të drejtave të njeriut dhe abuzimin me pushtetin. Së bashku ata demonstrojnë rëndësinë e shoqërisë civile për paqen dhe demokracinë”, shtoi ai.
