Ambasadorja e SHBA-ve në Tiranë, Yuri Kim ka reaguar pas takimit me krerët e Komisionit të Ekonomisë dhe Financave, Eduart Shalsi dhe Sorina Koti.
Përmes një postimi në ‘Twitter’, Kim shprehet që reforma në drejtësi luan rol kyç, në tërheqjen e investitorëve amerikanë në Shqipëri.
Më tej, ajo thekson se biznesmenët e huaj dhe kryesisht ata amerikanë kanë nevojë të jenë të bindur që do marrin drejtësinë e merituar nga gjykatat në Shqipëri, në çdo rast.
‘Reforma në drejtësi nuk është vetëm për drejtësinë, është dhe për prosperitetin e shumë shqiptarëve. Është për çdokënd, jo vetëm për të pasurit dhe të fuqishmit, të kenë një mundësi t të drejtë për të përmirësuar jetën dhe të ardhmen e fëmijëve të tyre.’, shkruan ndër të tjera Kim në Twitter.
