Mëngjesin e sotëm mbi 10 shpërthime nga Rusia tronditën Kievin. Tërbimi i Putin pas shpërthimit të Krimes nuk njeh kufij.
Një deklaratë shokuese ka rrëfyer këshilltari i presidentit, Anton Gerashchenko i cili pretendon se një nga raketat ka rënë jo shumë larg rezidencës së Zelenksyt.
Sulmi në Kiev ndodhi teksa BBC po jepte transmetimet e saj të drejtpërdrejta nga Kievi.
Katër shpërthime janë regjistruar mëngjesin e sotëm në Kiev, ku sirenat kanë rënë në kryeqytetin ukrainas për të parën herë pas shumë kohësh.
Pas disa muajsh u rikthyen sulmet e Vladimir Putin në Kiev.
Sipas gazetave lokale dhe dëshmitarëve të vetë ngjarjes, katër herë ka pasur shtëllunga tymi të ngritura në qiellin e Kievit, ku dyshimet e para bien pikërisht mbi një sulm të radhës rus.
Lajmin e ka konfirmuar edhe Agjencia Franceze e Lajmeve AFP, e cila ka korrespondetin e saj atje dhe e ka parë ngjarjen në person.
Në një shkrim në Twitter ndërkaq, kryetari i Bashkisë së Kievit, Vitali Klitschko, ka pranuar gjithë shpërthimet në rajonin e Shevchenkivskyi, në kryeqytetin ukrainas, por pa dhënë detaje e shpjegime mbi atë çfarë po ndodh konkretisht atje.
