Policia britanike është vënë nën alarm pas zhdukjes pa asnjë gjurmë të një adoleshenti shqiptar në zonën e Wrexham. Sipas ekspertëve, 17-vjeçari i zhdukur quhet Luan dhe ai është parë për herë të fundit të hënën, më 19 shtator rreth orës 20:00.
Ai përshkruhet se ka flokë të shkurtër ngjyrë kafe të errët, me trup të mesëm dhe rreth 170 cm i gjatë. Po ashtu autoritetet shtuan se Luani flet me theks shqiptar.
Sakaq fati i adoleshentit shqiptar mbetet ende i paditur, ndërsa policia britanike po vazhdon hetimet në zonën e fundit ku ai është parë.
