Fiqiri Mjeshtri, autori i vrasjes së dyfishtë të babë e bir në Klos, Kenado dhe Liri Shira, si dhe plagosjes së Eglantin e Renato Hasula, rezulton se ishte aksioner i një miniere kromi në Bulqizë.
Sipas ekstrakteve të QKB-së, Fiqiri Mjeshtri zotëronte 10 % aksione të aksioneve tek kompania e minieres “Maja e Drenit”. Aktualisht kompania është e bllokuar nga tatimet.
E gjitha ka nisur pas një lidhje dashurore mes dy adoleshentëve, vajzës së Fiqiri Mjeshtrit, një 16-vjeçareje dhe djalit të Eglantin Hasulës, Renatos.
Adoleshenti i ka shkruar në Instagram vajzës 16-vjeçare, por kjo ka shkaktuar pakënaqësi tek i ati i saj. Mjeshtri, emigrant në Itali është kthyer dhe ka kërkuar sqarim për këtë ngjarje. Por që fatkeqësisht përfundoi në tragjedi.
