Deputetja e PD-së, Jorida Tabaku ka reaguar ndaj progres-raportit të Bashkimit Evropian. Tabaku është shprehur se asnjë nga kapituj e caktuar nga BE nuk është përmbushur deri në fund dhe nuk ka një përparim të thelluar në këtë pjesë.
“Media: për fatin e keq Progres raporti vëren se Shqipëria ka hapa pas në lidhje me median dhe lirinë e saj. Për fatin e keq sjelljet dhe kërcënimet me “internime” dhe rehabilitime janë tejet problematikë. Jo vetëm kaq por edhe sulmi i mediave apo pronarëve të tyre në biznese kur nuk përputhet politika editoriale me dëshirat e qeverisë është po aq problematike për lirinë e mediave,” është shprehur ajo.
Po ashtu Tabaku ka shtuar se duhet vullnet më i madh politik, njëkohësisht vë në dukje se si gjyqësori po përpiqet të intimidohet në një farë mënyre. Në këtë pikë ne kemi ende probleme me ndërhyrjen e politikës në jetën e SPAK dhe gjyqësorit, siç edhe zonja Kim e vuri në dukje para dy ditësh.
