Riparimet e urës së dëmtuar midis Krimesë së aneksuar dhe Rusisë jugore do të përfundojnë deri në korrik të vitit 2023.
Kështu thuhet në një dokument të publikuar në faqen e internetit të qeverisë ruse.
Ura Kerçit, e cila është më e gjata në Evropë, u dëmtua javën e kaluar si pasojë e një shpërthimi.
Rusia theksoi se tre persona u vranë nga incidenti, ndërsa besohet se gjithçka ndodhi si rrjedhojë e një shpërthimi të një kamioni.
Disa zyrtarë ukrainas festuan incidentin në rrjetet sociale, por Kievi nuk e ka marrë përgjegjësinë.
