Pedagogët me kërkesën në dorë për rritjen e pagesës zhvilluan sot protestën e tretë në Tiranë. Kreu i Sindikatës së Pedagogëve, Sandër Kovaçi listoi problemet.
Ai tha se nuk janë vetëm pagat, por edhe mungesa e hapësirave, bibliotekat, por edhe probleme ta tjera që i shqetësojnë. Synimi, tha ai nuk është që të arrijmë standardet e Europës, por të Kosovës.
“Profesori merr 960 mijë lekë, 800 euro, 40 vite punë. As Kosovës nuk i afrohemi. Ka ardhur koha të themi ta bëjmë Shqipërinë si Kosova.
Jemi bërë për të qarë. Jemi akoma me një VKM të vitit 2011, që thotë se asistenti merr 5 mijë lekë për orë dhe pedagogu 10 mijë lekë.
Këta tani e reduktuan edhe leksionin në master, edhe bachelorin dhe seminarin. Nuk mund të vlerësohet mundi njëlloj si në seminar dhe në leksion” tha ai.
