Mbrëmjen e djeshme policia arrestoi Martina Pajollarin, e njohur si “Tina” për vrasjen e Martin Çeços më 12 qershor të këtij viti në fshatin Kolanec të Maliqit.
Ajo dyshohet se ka qenë bashkëpunëtore në këtë ngjarje, pasi nga deklaratat e saj në polici ka pranuar që ndodhej në vendngjarje në momentin kur është kryer krimi.
Sot i ati i 26-vjeçarit Nevzat Çeço me lot në sy tregoi edhe njëherë momentet e fundit të të birit, rolin e vajzës dhe të personave të tjerë.
“Kjo vajza i bënte vjersha djalit dhe i thoshte duhet të mendohesh mire se bie ne humnerë” tregoi ai.
I ati foli edhe për një tjetër person në këtë histori, që e njihte me emrin Xhoni që sipas tij i kishte marrë djali me dy të tjerë 2.5 mln lekë të vjetra për mblesërinë dhe në fund nuk ia kthyen.
“Mua ma ha mendja që më shumë ka gisht ai i Podgories, i ka marrë lekët djalit dhe një Xhoni Potka që ka hyrë në burg.
Xhonin e ka lënë e shoqja për këtë cështje. 100% ma ha mendja. Më mbrapa djali shkoi t’i merrte lekët, ai i tha “ik ore pirdhu” tregoi i ati.
Për këtë çështje janë arrestuar edhe Valter Mollaj, Edlir Mollaj dhe Blenti Angjo, të dyshuarit kryesor të kësaj ngjarje.
