Nëse SHBA dhe Britania e Madhe do të ulen në një tryezë bisedimi së bashku me Rusinë, kriza në Ukrainë do të zgjidhej shumë shpejt, tha presidenti i Bjellorusisë, Lukashenko.
“Gjithçka varet nga Shtetet e Bashkuara dhe Mbretëria e Bashkuar. Nëse e kuptoni dhe pranoni se është e nevojshme të uleni në tryezë nesër, marrëveshja do të arrihet brenda një jave,” tha Lukashenko në një intervistë për televizionin NBC.
“Lufta është gjithmonë një gjë e keqe. Kohët e fundit kam thënë se bota është e zënë me gjetjen e fajtorëve. Besoj se do ta zbulojmë më vonë. Njerëzit vdesin çdo ditë. Le të ndalojmë luftën dhe të arrijmë një marrëveshje. Dhe pastaj do ta zbulojmë kush kishte të drejtë e kush gabim. Ndoshta është një formulë normale”, shtoi ai.
