Asra Panahi, një nxënëse 16-vjeçare, vdiq pas një rrahjeje nga forcat iraniane të sigurisë. Ajo së bashku me shokët e tjerë të klasës refuzuan të këndonin një himn kushtuar liderit suprem të Iranit, Ali Khamenei.
Ngjarja u raportua në Telegram nga Këshilli Koordinues i Sindikatës së Mësuesve Iranianë, sipas të cilit vajza minorene u transferuan në spital pas rrahjes, në shkollën e Ardabilit, pas një kontrolli nga forcat e sigurisë, që më pas i detyruan të këndojnë një himn kushtuar Khameneit.
Sipas sindikatës, vajza vdiq si pasojë e rrahjes, ndërsa në një intervistë të transmetuar nga një kanal televiziv pranë Rojave të Revolucionit, një burrë i identifikuar si xhaxhai i Asras tha se ”mbesa ime humbi jetën nga një defekt i lindur në zemër”.
