Në mbledhjen e Këshillit të Sigurimit, ambasadori amerikan Robert Wood tha se është shumë e rëndësishme që Kosova dhe Serbia të gjejnë një dialog dhe të ulin tensionet.
Ai theksoi se stabiliteti është i rëndësie thelbësore në Ballkanin Perëndimor dhe se kjo është edhe arsyeja përse ata inkurajojnë palët që të ulin tensionet dhe të shmangin retorikat nxitëse kundër njëra-tjetrës.
“U bëjmë thirrje të dyja palëve që të punojnë me BE-në dhe SHBA-në dhe të shmangin tensionet për pllakat”, tha Wood në seancën e Këshillit të Sigurimit të OKB-së.
Më tej ai shtoi se nëpërmjet dialogut të BE, Serbia dhe Kosovë kanë nënshkruar disa marrëveshje, dhe se kanë zgjidhur çështjen e dokumenteve.
