Kryetari i Partisë Demokratike Sali Berisha në seancën e sotme parlamentare, ka akuzuar kryeministrin Edi Rama se po fshihet pas zëvendëskryeministres, Belida Balluku.
“Mungesa e kreut të qeverisë i cili ka shndërruar energjinë në një mjet të tmerrshëm dhune financiare, psikologjike dhe të gjithanshme ndaj qytetarëve. Ka shndërruar një gropë të zezë vjedhjeje nga qeveritarët, e bën këtë debat për një çështje kaq jetike.
Ai ka frikë të jetë këtu, por nuk mund të fshihet pas Ballukut, nuk mund të fshihet pas zonjave ministre.
Të vijë këtu, të jap llogari para shqiptarëve për vjedhjet monstruoze që po ndodhin në këtë sektor. Ai është arkitekti kryesor i kësaj grope të madhe.
Ajo që smë pëlqen mua është se ju toleroni gjëra të pa tolerueshme. Debati është thirrur me kryeministrin dhe ai duhet të jetë këtu. Nuk mund të fshihet pas zonjës Balluku ”, tha Berisha.
