Rreth 15,000 civilë në pjesën e pushtuar nga Rusia të rajonit jugor Kherson të Ukrainës janë “zhvendosur” larg vijës së frontit, tha të enjten Kirill Stremousov, një udhëheqës rajonal i mbështetur nga Moska.
“Tashmë rreth 15,000 banorë, pasi kanë dëgjuar rekomandimet e udhëheqjes së rajonit Kherson, janë zhvendosur në bregun e majtë të rajonit tonë,” tha Stremousov në një postim në aplikacionin e mesazheve Telegram.
Zyrtarët pro-Moskë në Kherson të pushtuar planifikojnë të zhvendosin deri në 60,000 banorë përtej lumit Dnipro, më tej në territorin e kontrolluar nga Rusia, mes frikës së një kundërofensivë ukrainase në frontin jugor.
Kievi e ka hedhur poshtë atë që Stremousov dhe kolegët e kanë quajtur një “zhvendosje të organizuar” si “shfaqje propagandistike” dhe ka akuzuar Moskën se po përpiqet të “frikësojë” banorët.
