Kryetari i PL-së, Ilir Meta deklaroi sot se në zgjedhjet e vitit tjetër nga partia e tij nuk do të ketë asnjë kandidat për kryetar bashkie. Ai tha se do të mbështesë kandidatët e Sali Berishës dhe forca e tij do të fokusohet te këshillat bashkiakë.
“Për mua marrëveshja është e përfunduar. Ne do të mbështesim cdo kandidat të cilin do të konfirmojë PD-ja, e vërteta dhe e vetmja. Ne do të mbështesim. Për mënyrën, si do të zgjidhet përgjegjësia i takon PD-së dhe Berishës.
Për ne, e rëndësishme është fitorja kundër bandës së Rilindjes. Ne jemi të qartë. Do të synojmë maksimumin në të gjitha këshillat bashkikë, për kandidatët nuk do të ketë asnjë kandidat nga partia e Lirisë që do të sfidojë kandidatët e PD-së” tha Meta.
