Ish-Presidenti Ilir Meta në një konferencë për mediat sot analizoi projektbuxhetin që është planifikuar për vitin që vjen. Ai thotë se Edi Rama ka planifikuar 7 kontrata PPP, rritje taksash për profesionet e lira dhe 176 mln euro fatura arbitrazhi, por asnjë lek për pedagogët dhe shtresën e varfër.
“Planifikohen shtatë kontrata të reja me PPP për vitin që vjen që janë vjedhje, që i bën ky me klientelën e vet. Dhe 5 mijë pedagogë dhe asistentë, jo vetëm që nuk i ndihmon, por i kërcënon me vetting.
Aq sa detyroi edhe profesorë të nderuar dhe deputetë socialistë që të distancohen. I denigron dhe kërcënon në mënyrën më të turpshme, që vetëm një palaço mund ta bëjë, duke i përgojuar.
176 milionë euro planifikohen vitin që vjen nga faturat arbitrare, por ka për të qenë më e madhe nga shkatërrimi i bizneseve të ligjshme. Profesionet e lira do të paguajnë 17 mln euro taksa për vitin që vjen. Ky do që të ikin nga vendi” tha Meta.
