Mëngjesin e sotëm është gjendur i pajetë një 34-vjeçar në Fushë-Krujë. Indrit Ndoj është gjendur në një rrugë dytësore. Nga konstatimi paraprak dyshohet se i riu është vrarë me armë zjarri, pasi ka një dëmtim në këmbë.
Në vendin e ngjarjes ndodhet grupi hetimor.
Fushë Krujë/Informacion paraprak
Rreth orës 08:20, në lagjen “Bakishe Visha”, Fushë Krujë, në një rrugë dytësore është gjetur i pajetë shtetasi I. N., 34 vjeç, banues ne fshatin Hasan, Krujë.
Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes
