Një sasi prej 522 mijë euro është gjetur mesditën e kësaj të premteje. Ato ishin të fshehura në një autobus që vinte në Portin e Durrësit nga Bari i Italisë.
Është arrestuar pronari, njëkohësisht edhe shoferi i autobusit, Elidon Çela. Po ashtu janë ndaluar edhe disa persona të tjerë, por nuk dihet konkretisht emri dhe roli i tyre.
Mësohet se shoferi nuk ka pranuar të japë dëshmi për policinë pa praninë e një avokati.
“Kërkoj avokatin tim mbrojtës. Vetëm në prani të tij do të flas për policinë”, ka deklaruar shoferi.
Oficerët janë të bindur se Çela di më shumë për vendin e origjinës të shumës së parave të gjetur në autobus.
