Ditën e sotme ka ndodhur një aksident automobilistik në Sarandë ku si pasojë kanë mbetur të plagosur dy të mitur.
Sipas njoftimit të policisë dy të miturit po udhëtonin me një motomjet në momentin që një automjet tip “Benz” me drejtues shtetasin E. M., 33 vjeç, ka përplasur motomjetin me drejtues shtetasin A. R., 16 vjeç.
Si pasojë e përplasjes kanë mbetur të dëmtuar drejtuesi i motomjetit dhe pasagjeri 9 vjeç, të cilët janë transportuar në spitalin e Sarandës dhe ndodhen nën kujdesin e mjekëve.
Drejtuesi i automjetit shtetasi E. M, u shoqërua në Komisariat, për veprime të mëtejshme.
Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.
