Një avion i linjës “Korean Air” ka kapërcyer pistën gjatë uljes për shkak të motit të keq në Filipine.
137 persona në bordin e KE631U u raportuan të sigurt, pa pësuar lëndime.
Incidenti ka ndodhur në ishullin Mactan, në provincën qendrore Cebu të dielën e 23 tetorit.
Lajmi u bë i ditur nga agjencia “Associated Press”.
11 anëtarët e ekuipazhit dhe 162 pasagjerë në fluturimin Korean Air KE631 përdorën rrëshqitësen emergjente për të shpëtuar nga avioni i dëmtuar, thanë zyrtarët dhe linja ajrore.
“Të gjithë pasagjerët janë të sigurt dhe po marrin ndihmë nga personeli tokësor”, tha Autoriteti i Aviacionit Civil të Filipineve në një deklaratë.
Avioni mbeti i ngecur në bar në fund të pistës së vetme të Aeroportit Ndërkombëtar ‘Mactan Cebu’ të hënën, duke detyruar mbylljen e tij.
Pjesa poshtë e përparme e avionit ishte prerë dhe hunda e tij ishte dëmtuar rëndë, raportoi agjencia e lajmeve “Associated Press”.
