Kryeministri Edi Rama është takuar me Presidentin e Izraelit, Isaac Herzog.
‘Vëlla Edi !’– përshëndet presidenti i Izraelit në momentin që pret kryeministrin e vendit tonë.
Kryeministri i Izraelit, Yair Lapid e ka cilësuar Shqipërinë një mik të vërtetë dhe me një vend të veçantë në historinë hebraike.
Ditën e djeshme Rama u takua me kryeministrin e Izraelit me të cilin diskutoi për rritjen e bashkëpunimit mes të dy vendeve në një sërë fushash, si dhe për forcimin e lidhjeve dypalëshe.
Gjithashtu pas sulmeve kibernetike iraniane ndaj Shqipërisë që ndodhën muajt e fundit, kryeministri izraelit i propozoi Ramës që vendet të bashkëpunojnë për të forcuar aftësitë e tyre mbrojtëse ndaj këtij kërcënimi.
