Cikli i reportazheve italiane i “Presa Diretta” mbyllet me hetimin për ‘luftën kibernetike’. Janë banditët dixhitalë, kriminelët kibernetikë që “shpojnë” rrjetën e sigurisë së kompanive private dhe administratave publike për të vjedhur të dhëna të ndjeshme dhe për të kërkuar një shpërblim. I ashtuquajturi ‘ransomware’. Vlera e tyre vlerësohet të jetë 20 miliardë dollarë në vit.
Gazetarët e Presa Diretta shkuan në Irlandë për të parë sesi ‘banditët dixhitalë’ arritën të çaktivizojnë Shërbimin Shëndetësor Kombëtar, ndërsa në Itali u sulmua Shëndetësia e Rajonit të Lazios. Kush janë banditët e rinj dixhitalë, kush qëndron pas saj? Dhe më pas luftërat hibride mes vendeve armiqësore, të cilat organizojnë dhe nisin sulme të vërteta kibernetike kundër rivalëve të tyre, për t’i dobësuar, i destabilizojnë.
Presadiretta shkoi në Shqipëri për të folur për sulmin e pabesueshëm kibernetik të pësuar korrikun e kaluar, kur 90% e shërbimeve publike të vendit mbetën të paralizuara për disa ditë. Dhe ku, pas një hetimi ndërkombëtar, qeveria shqiptare e kryeministrit Edi Rama ka vendosur të prishë marrëdhëniet diplomatike me Iranin, duke i kërkuar personelint diplomatik të largohet nga vendi. Por çfarë lidhje ka Shqipëria me Iranin?
Dhe më pas në Gjermani, në përpjekje për të kuptuar historinë e spiunazhit që përfshin kreun e Agjencisë Federale Gjermane për Sigurinë Kibernetike të akuzuar se kishte pasur kontakt me shërbimet sekrete ruse. Çfarë ndodhi në të vërtetë?
Për sulmet kibernetike në vend, Rama tha se vendimi për shkëputjen e marrëdhënieve ishte vendim i imponuar nga vetë Irani.
“Për fat të keq ishte një vendim i imponuar nga ai vend. Sepse regjimi iranian sponsorizoi një sulm shumë të organizuar. Kjo për të na privuar praktikisht nga gjithë infrastruktura digjitale që kemi ndërtuar në këto vite. Ishte përfundimi i një hetimi shumë shumë të detajuar nga agjencitë më të mira të botës. Agjenci, që praktikisht na vunë përpara faktet dhe provat e këtij sulmi, të këtij agresioni”, tha Rama.
RAI 3: Po qeveria iraniane si reagoi, e mohoi?
“Sigurisht, ashtu si bëjnë të gjitha regjimet që gjithmonë mohojnë krimet e tyre”, thekson Rama.
RAI 3: Domethënë jemi në një domen të ri të luftës?
“Po, po pa dyshim. Ne jetojmë në një botë ku sulmet e kësaj natyre po bëhen gradualisht pjesë e jetës së shteteve. Por edhe vendeve si dhe të kompanive që janë të ekspozuara ndaj rreziqeve”, përfundoi Rama.
