Inspektorati i Lartë i Drejtësisë ka ndërmarr masë disiplinore ndaj magjistratit Bevis Shehaj.
Për zv.kryetar i Gjykatës Administrative të Shkallës së Parë Vlorë, janë bërë disa ankesa, ku thuhej se Shehaj pengonte funksionimin normal të gjykatës.
“Magjistrati Bevis Shehaj ka lejuar moszbatimin, pa shkaqe të justifikuara, të vendimit të dhënë nga Këshilli i Lartë Gjyqësor lidhur me kancelaren e gjykatës, si dhe në mënyrë të përsëritur, gjatë dy mbledhjeve të Këshillit të Gjykatës, nuk ka respektuar dispozitat ligjore dhe nënligjore, që rregullojnë organizimin dhe funksionimin e gjykatave,” ka njoftuar ILD
Inspektori i Lartë i Drejtësisë i ka kërkuar KLGJ-së pranimin e kërkesës për fillimin e procedimit disiplinor ndaj gjyqtarit Bevis Shehaj, për shkelje disiplinore.
