Presidenti i Serbisë, Aleksnder Vucic ka njoftuar se sot ka pasur një bisedë telefonike me kryeministrin e Shqipërisë, Edi Rama dhe atë të Maqedonisë së Veriut, Dimitar Kovaçevski me të cilët ka biseduar për dimrin që po vjen.
“Fola rreth hapave të përbashkët për të siguruar një dimër të sigurt për të gjithë qytetarët”, ka shkruar Vuçiç.
Gjithashtu kreu i shtetit serb ka njoftuar se kanë folur edhe për takimin e radhës në kuadër të Procesit të Berlinit.
Ndërkohë ka thënë se nisma e “Ballkanit të Hapur” nënkupton paqe, prosperitet dhe të ardhme të sigurt për rajonin.
“Sepse të bashkuar jemi gjithmonë më të fortë”, ka shkruar Vuçiq pas video-bisedës që ka pasur me Ramën dhe Kovaçevskin.