Sot në gjykatën e Posaçme u zhvillua seanca e radhës për personat e akuzuar për vrasjen e Santiago Malkos, i njohur si “ushtar” i Ervis Martinajt, i cili është zhdukur pa gjurmë prej gushtit të këtij viti.
Blendi Teta i dënuar me 25 vite burg për këtë ngjarje u përfshi në debat me nënën e Malkos, e cila shpërthu në ofendime dhe lot.
Bukurie Malko iu drejtua Tetës me fjalët “maskara më vrave djalin”. Blendi Teta mohoi krimin dhe kërkoi mbrojtjen e familjes.
“Nuk dëshiroj që të jap deklarime. U qëndroj atyre thënieve që kam dhënë në 19.7.2021 kur ka folur para gjykatës në procesin tim.
Nuk dua që deklarimet të lexohen pa praninë e avokatit tim, sepse nuk duhet të merren për bazë ato deklarime të dhanë në drejtorin e policisë Tiranë sepse i kanë bërë siç u deshi qejfi.
Po ashtu kam një kërkesë të merret në mbrojte gruaja ime dhe fëmijët e mi sepse janë kërcënuar vazhdimisht dhe po kërcënohen nga zonja dhe banda mbara saj” tha ai.
Motra e Malkos ngrit në këmbë duke bërtitur dhe fyer Tetën çka bëri që policia e burgjeve ta nxirrte me forcë nga salla e gjyqit në mënyrë që të vijonte seanca normalisht.
