Gruaja 50-vjeçe nga Podujeva ka vdekur sot, pasi ka rënë nga lartësia e një objekti.
Zëdhënës i Policisë së Kosovës për rajonin e Prishtinës Agron Borovci ka thënë se, ngjarja ka ndodhur sot rreth orës 14:00 minuta në rrugën “Isuf Koliqi”, derisa vdekjen e viktimës e kanë konstatuar mjekët emergjentë.
“Rreth orës 14:00, është raportuar se në rrugën ‘Isuf Koliqi’ në Podujevë, një person ka rënë nga lartësia e një objekti. Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 50-vjeç, është pa shenja jete”, ka thënë ai.
Borovci ka bërë të ditur se policia ka nisur punën për zbardhjen e plotë të të gjitha rrethanave që karakterizojnë rastin.
