Deputeti i PD-së, Xhelal Mziu është shprehur se reforma territorial i shërben vetëm qeverisë dhe kryeministrit Edi Rama dhe se nuk është hartuar në interes të qytetarëve.
Mziu tha se pushteti vendor ka njohur regres në tetë vitet e fundit dhe se ndjen dhimbje për reformën territoriale.
“Pushteti vendor sot në Shqipëri është shumë herë më keq se tetë vite më parë. Ndjej dhimbje për reformën territoriale. Pushteti vendor ka njohur regres. Sot pushteti vendor është kthyer në një patericë të qeverisë.
Reforma territorial e zhvilluar tetë vite më parë dhe u shit si një histori suksesi. Reforma territorial u bë për interesin e qeverisë së Rilindjes. Reforma territorial pati disproporcion krahinor.
Disproporcion i qartë që ka ndikuar drejtpërdrejt te shpopullimi dhe bujqësia. Harta është bërë sipas orekseve të Ramës”, tha Mziu.
