Kryeministri Edi Rama nga qarku i Korçës ku ndodhet në turin e takimeve të mini-fushatës ka sulmuar sërish Sali Berishën.
Njerëz me bisht në vend të gjuhës që tallen me Shqipërinë e shqiptarët, mjeranë në shërbim të Rublave ruse! Vazhdojnë me 22 milionë € për fluturimet e kryeministrit, ndërkohë që udhëtimet e mia kanë kushtuar më pak se gjysma e fluturimeve të Nongratës! #MeFakteJoMeRubla
— Edi Rama (@ediramaal) October 31, 2022
Ish-kryeministri sot në Tiranë në deklaratën për shtyp, por edhe mbledhjen e grupit e akuzoi dhe i kërkoi dorëheqjen për fluturimet, që sipas tij kushtuan 22 milionë euro.
Por Edi Rama e ka mohuar edhe një herë tjetër duke dhënë një tjetër version. Ai pranon se hakerat janë të saktë në atë që kanë nxjerrë, por thotë se udhëtimet e tij kushtuan më pak se gjysma e fluturimeve të Berishës.
“Njerëz me bisht në vend të gjuhës që tallen me Shqipërinë e shqiptarët, mjeranë në shërbim të Rublave ruse!
Vazhdojnë me 22 milionë € për fluturimet e kryeministrit, ndërkohë që udhëtimet e mia kanë kushtuar më pak se gjysma e fluturimeve të Nongratës! #MeFakteJoMeRubla” shkruan ai.