Deputeti i PD-së tha se në grupin e Alibeajt ka pasur deputetë që kanë deklaruar që nuk duan të diskutojnë për primaret.
Sipas tije personi i parë që ka refuzuar bashkëpunim është Enkeled Alibeaj. Ai tha se nuk ka komikuar personalisht me Alibeajn.
Paloka po ashtu tregoi se para Gazment Bardhit ka diskutuar edhe me persona të tjerë, me të cilët ka kontaktuar më parë për të arritur në një marrëveshje finale.
“Kjo nuk është çështje mes meje dhe Z.Bardhi, sepse u ulem biseduam përpara edhe me të tjerë përfaqësues dhe dashamirës nga pala tjetër që kërkonin realisht të bashkoheshin për këto zgjedhje dhe thashë nuk është diskutuar kurrë, primaret janë pranuar apriori nga të gjithë.
Papritur u ndryshuan përfaqësuesit, u rikthyen primaret si çeshtje për diskutim, ndërkohë që u bë e qartë që ditën e parë, këtu nuk keni çfarë diskutojmë.
Një kandidat i përbashkët për këto zgjedhje me të gjithë format e tjera që na krijohet hapësira, është gjithë hapësira për të arritur dëshirat e njërës palë dhe tjetrës“, tha Paloka.
