Ditën e Sotme do të zhvillohet “Procesi i Berlinit”, në Gjermani.
Në këtë ngjarje, në kuadër të së cilës Kosova pret të nënshkruhen tre marrëveshje, do të marrë pjesë edhe kryeministri, Albin Kurti.
Në organizim nuk do të marrë pjesë presidenti i Serbisë, Aleksandar Vuçiç.
Ngjarja nis në ora 09:15, ku kancelari gjerman, Olaf Scholz do të mbajë një fjalim para liderëve.
Në kuadër të këtij procesi, nga ekzekutivi kosovar kanë thënë se gjashtë shtetet e Ballkanit Perëndimor janë pajtuar për nënshkrimin e ujdive për njohjen reciproke të letërnjoftimeve, të diplomave universitare dhe të kualifikimeve profesionale.
Dinamizmin e Procesit të Berlinit e mbështesin edhe opozita dhe shoqëria civile në Kosovë.
