Kryeministri Edi Rama është përfshirë sërish në debatin që ka shkaktuar vala e madhe e shqiptarëve që emigrojnë ilegalisht drejt Britanisë së Madhe.
Nga Tropoja, në një takim me fermerët, ai duke komentuar deklaratat e një gazetareje britanike, e cila iu kishte dalë në mbrojtje shqiptarëve që emigrojnë drejt MB-së, kreu i qeverisë shqiptare tha se nuk është e drejtë që t’u thuash njerëzve; rrini këtu dhe mos ikni!.
“Më bëri përshtypje një artikull i një gazetareje britanike, për këtë debat. ajo thoshte; vetëm në vendet diktatoriale vënë në diskutim lirinë e njerëzve për të ikur apo për të ardhur.
Shqiptarët thoshte- po bëjnë atë që bota e ka bërë qysh në lindje të saj. Po bëjnë atë që ne kur kemi qenë më pak të pasur se sa sot, e kemi bërë shumë më tepër se sa ata në një kohë tjetër. Sot e bëjnë dhe njerëz të këtij vendi, Britanisë, që jetojnë në zona të vështira dhe që vijnë në Londër.
E solla këtu për të thënë se është e pamundur dhe nuk është e drejtë që t’i thuhet njerëzve; rrini këtu, mos ikni, sepse këtu është atdheu. Njerëzit janë në të drejtën e tyre, të marrim vendime e tyre, dhe s’jemi në bunkerin e komunizmit që s’na linte të hapnim dritaren e jo më të hidheshim nga dritarja.
Majko: Brenda nëntorit, marrëveshje për lëvizjen ndërkufitare me Kosovën
