Presidenti i Serbisë, Aleksandar Vuçiç ka bërë të ditur se ka pasur një bisedë telefonike me ambasadorin e Shteteve të Bashkuara të Amerikës në Beograd, Christopher Hill.
Ambasadori Hill ka kërkuar nga presidenti Vuçiç që Serbia të sillet me përgjegjësi serioze dhe të mos marrë pjesë në asnjë mënyrë në rrezikimin e paqes dhe stabilitetit rajonal.
Kreu i shtetit serb i është ankuar për Kosovën. “Në një bisedë të gjatë dhe kuptimplote telefonike me ambasadoren Hill, ritheksova se Serbia mbetet e përkushtuar për ruajtjen e paqes, respektimin e së drejtës publike ndërkombëtare dhe zbatimin e plotë të të gjitha marrëveshjeve të nënshkruara”, ka thënë Vuçiç.
Lista Serbe doli nga qeveria, Kurti: Beogradi nisi kërcënimet dhe destabilizimin
“Gjithashtu theksova tmerrin e serbëve me sjelljen e Kosovës dhe lëvizjet e njëanshme të Prishtinës, të cilat e vënë në pikëpyetje sigurinë dhe stabilitetin e tyre në të gjithë rajonin” tha ai.
Situata u tensionua pasi Lista serbe ka bërë sot të ditur se kanë vendosur që të largohet nga të gjitha institucionet politike në Kosovë.
