Partia Demokratike duket se ka bërë sërish një “gabim”, në listën përfundimtare të kandidatëve për primaret të Tiranës është vendosu dhe emri i aktorit Julian Deda.
PD është akuzuar shpesh se ka futur në lista kandidat që as nuk ishin njoftuar dhe këtë herë pjesë ka qenë dhe aktori.
Ai është shprehur se tashmë ka marr lajmin që është kandidat dhe se nuk do të lërë asnjë votë të vidhet.
“Ja, ketu e mora lajmin qe jam kandidat ne primaret e PD, per Tiranen, ne mes te trafikut, te pluhurit dhe te zhurmave, qe tani e tutje do ti quajme erionizim, qe i eshte bere Tiranes ne keto vite.
Falenderoj nga zemra çdo demokrat, ne secilen dege te Tiranes, qe ka propozuar emrin tim ne keto primare teper te rendesishme. Tashme ne PD, jo vetem lexohet çdo vote, por degjohet çdo propozim i anetareve te saj,” është shprehur Deda.
