Kryeministri Edi Rama ka dënuar gjuhën e përdorur nga Sal Berisha dhe Ilir Meta në intervistat për mediat britanike lidhur me situatën e emigrantëve për të cilën kanë fajësuar qeverinë shqiptare.
Çfarë shqiptari je kur ia beson votën dhe përfaqësimin tënd dikujt që sulmon Shqipërinë në gjuhë të huaj? Politikanët që s’kanë asnjë dinjitet me të huajt dhe që luftën politike e eksportojnë në mediat e huaja, janë një llum ku jo besimi po as vështrimi nuk duhet hedhur!
— Edi Rama (@ediramaal) November 7, 2022
Rama thotë se këta politikanë nuk kanë dinjitet dhe luftën politike e eksportojnë në mediat e huaja.
“Çfarë shqiptari je kur ia beson votën dhe përfaqësimin tënd dikujt që sulmon Shqipërinë në gjuhë të huaj?
Politikanët që s’kanë asnjë dinjitet me të huajt dhe që luftën politike e eksportojnë në mediat e huaja, janë një llum ku jo besimi po as vështrimi nuk duhet hedhur” shkruan ai. Mesazhi shkon për demokratët.
Ish-kryeministri Berisha dhe ish-presidenti Meta, tani të dy në krye të opozitës së bashkuar në përplasjen mes qeverisë shqiptare dhe asaj britanike akuzojnë Edi Ramën për largimin e shqiptarëve.
