Drejtori i Policisë së Shtetit, Muhamet Rrumbullaku vijon ndryshimet në policinë e shtetit. Pas drejtorëve vijon ndryshimi në radhët e shefave të komisariateve.
Këtë të mërkurë është larguar nga detyra e Shefit të Komisariatit të Policisë Mat, Ervin Hasrama.
Nuk dihet nëse kjo lëvizje ka qenë dorëheqje e tij apo është larguar nga lart.
Ndryshimet në strukturën drejtuese kanë përfshirë edhe komisariatin e Policisë në Rrëshen.
Naim Lala i cili mbante detyrën e shefit të këtij komisariati prej më shumë se 3 vitesh është larguar në një pozicion tjetër në Tiranë.
Shefi i ri i Komisariatit të Rrëshenit është emëruar Behar Caka.
