Zbardhen detaje të reja nga arrestimi në mesnatë në Vlorë. Personi i arrestuar është Hasan Hasanaj, banues në Vlorë, lagja “Partizani”.
Ai nuk iu bind urdhrit të policisë për të ndaluar teksa ishte duke lëvizur me makinën e tij tip “Porsche” ngjyrë blu pa targa, por u largua me shpejtësi.
Pas ndjekjes për rreth 15 minuta Hasanaj, që ishte edhe i maskuar u arrestua. Shpjegimi? Ai ka thënë para policisë se ishte konfliktuar me dikë në një lokal dhe për këtë arsye ishte i maskuar dhe madje kishte hequr targat e mjetit.
Gjatë kontrollit të mjetit u gjet një maskë, një thikë dhe targat e automjetit. Gjatë testit të kryer për alkool ai rezultoi i dehur. Në trup kishte disa hematoma. Ai u shoqërua për ndihmë në spitalin rajonal Vlorë.
Ndalo policia! “Fast & Furious” në Vlorë/ Si u ndalua 42-vjeçari me maskë?/Emri
