Sot në Shkup u zhvillua mbledhja e përbashkët e dy qeverive të Maqedonisë dhe Shqipërisë ku u firmosën 7 marrëveshje. Kryeministri Edi Rama nuk hoqi dorë nga Ballkani i Hapur, kur tha se nisma nuk e përjashton Procesin e Berlinit dhe se të dyja do të ecin bashkë.
“Ne në këtë rajon kemi shumë për të bërë me njëri tjetrin. Ballkani i Hapur na ka dhënë shumë mundësi të reja për të parë përtej të djeshmes, për të kapërcyer të sotmen dhe për të projektuar një të ardhme që të rrisë në maksimum aftësitë e vendeve tona që të përfitojnë nga një hapësirë shumë më e madhe se hapësira jonë gjeografike.
Kemi parë rezultate të mira nga marrëveshjet e Ballkanit të Hapur. Kemi vazhduar të jemi dhe do të vazhdojmë të jemi mbështetës të palëkundur edhe të Procesit të Berlinit, duke i parë të dyja bashkë si pjesë të njëra tjetrës dhe në asnjë mënyrë si përjashtuese të njëra tjetrës” tha ai.
Rama zbret në Shkup! 7 marrëveshjet që do të firmosen, nga arsimi te dogana
