Ashtu siç ishte lajmëruar presidentja e Kosovës Vjosa Osmani ka nisur mbledhjen me përfaqësuesit e partive politike në vend për t’u konsultuar në lidhje me datën e zgjedhjeve lokale në katër komunat veriore, ku kryetarët dhanë dorëheqjen disa ditë më parë.
Ndërkohë, në takim mungojnë përfaqësuesit e AAK-së dhe Listës Serbe, ndërkohë që i pranishëm ka është edhe ish-ministri Aleksandar Jabllanoviç nga Partia Serbe e Kosovës.
Për Mitrovicën e Veriut, Zveçanin, Leposaviqin e Zubin Potokun pritet caktimi i datës së zgjedhjeve të jashtëzakonshme pasi kryetarët e këtyre komunave dhanë dorëheqjen, pasi Lista Serbe vendosi që serbët të dalin nga institucionet e Kosovës. Policët, prokurorët dhe gjyqtarët serbë iu përgjigjën gjithashtu unanimisht kërkesës për të dalë nga institucionet e vendit.
