Faruk Ozer, themeluesi i kriptomonedhës Thodex, kishte sot seancën e radhës në Gjykatën e Elbasanit.
Gjyqtarja Elis Dine vendosi për ekstradimin e tij drejt Turqisë.
“Si rezultat i kësaj çështjeje, gjykata pranon dhe autorizon kërkesën për ekstradim të shtetasit turk Faruk Fatih Özer nga Republika e Shqipërisë në Republikën e Turqisë”, tha Dine.
Por mediat turke kanë bërë me dije se Ozer mund të apelojë vendimin brenda 15 ditëve duke nisur nga dita e nesërme.
Më 20 shtator, Gjykata e Apelit të Durraçit la në fuqi urdhrin e ndalimit të Ozerit. Ministri i Brendshëm Süleyman Soylu njoftoi se Ozeri do të ekstradohej në Turqi pas procesit gjyqësor në Shqipëri.
